AFTER THE SECOND SESSION, FEBRUARY 2018
In the photo: The group 2017-2020 with prof. Ilona Koutny in the library of the Faculty of Modern Languages
HOT WINTER SESSION IN POZNAŃ
Kiel kutime, komence de la jaro (inter la 3-a kaj 10-a de februaro 2018) okazis la vintra sesio de la Interlingvistikaj Studoj en UAM, Poznano.
Alvenis 14 gestudentoj el 10 landoj (Ĉinio, Koreio, Brazilo, Usono, Turkio, Rusio, Francio, Hispanio, Germanio kaj Pollando).
Post la konsultiĝo kaj ekzamenoj, lunde komenciĝis la kursoj de la dua semestro: Michael Farris prezentis la ĝeneralajn regulojn de morfologio kaj sintakso, eluzante la sciojn de la diverslingva partoprenantaro. Lidia Ligęza kaj Tomasz Chmielik enkondukis la studentojn en la duan periodon de esperanta literaturo. La multkultura konsisto de la grupo donis fekundan bazon al Ilona Koutny trakti diversajn flankojn de komunikado (la studentoj praktike povis kompari la diversajn korpolingvaĵojn). Ŝi gvidis kurson ankaŭ pri esperanta gramatiko, kie la interesiĝemaj studentoj povis ekkoni kaj diskuti la problemojn de esperanta morfologio, inkludanta radikkarakteron.
In the photo: The lectures on communication run in a perfect atmosphere.
La varma etoso montriĝis ankaŭ dum la komuna vespero: pluraj partoprenantoj prezentis poemojn kaj kantojn. Krom ili ankaŭ loka esperantistino Zuzanna Kornicka kantis kaj gitarludis.
In the photo: Students from Korea and China enjoy the opportunity to study Interlinguistics in Poland.
La sesion sekvis sabata ekskurso al Toruno, kie post urborigardado kaj vizito de Studio P en la Junulara Kulturdomo, Maria Pokrzywnicka prezentis en la Etnografia Muzeo la ĉiutagan vivon el la epoko de Zamenhof. Poste ŝi gastigis la gestudentojn per mielkuko kaj ludigis ilin kadre de la interkultura karnavala renkontiĝo. (Vidu la raporton: Interkultura karnavala renkontiĝo en Toruń.)
In the photo: Interlinguistic students as students from the early 20th century (at the Ethnographic Museum in Toruń)
Ilona Koutny
Director of Interlinguistic Studies